Bad Boy-in reunion tour an nei dawn

Hip-hop khawvela tunlaia boruak nei lian chu Bad Boy family inzawmkhawm ṭha leh ta leh, an tour tur thu hi a ni. Puff Daddy leh a hote hi insawmkhawm ṭha lehin, tour nei turin an inbuatsaih mek a, August 25 aṭangin tour hi an ṭan ang a, Oct 8 thleng a awh ang. Tour an neih hmasakna ber tur hi Ohio-a Columbus khuaah a ni ang a, California-a Oakland-ah tour hi an khar dawn a ni. Tour-ah hian Puff Daddy bakah Lil Kim, the Lox, Mase, Faith Evans, Mario Winans, 112, Total, Carl Thomas leh French Montana te an tel ang. Tour khuhhawnna hi Zirtawpni hian an nei ang a, Today's Show-ah an inlan dawn a ni.