The Moffatts concert tur ticket hralh a kal

21st May, 2024

June 20-a LPS Arena, Falkland, Aizawla rawn concert tur, tunlai YouTube lama band ngaihven hlawh leh Mizote pawhin kan ngainat tak, 'Music Travel Love' te concert-na tur ticket chu hralh a kal hle, VIP Ticket Phase 1 bik chu hralh zawh a ni tawh.

'Music Travel Love' member-te hi Bob Moffatt leh Clint Moffatt te niin, The Moffatts band-a mite kha an ni. Aizawla an rawn concert turah pawh hian 1990's leh 2002 chhoa an hla lar, 'Miss You Like Crazy' leh 'If Life is So Short' te pawh an rawn sak ngei a rinawm.

Alpha Omega bul tumin ‘Music Travel Love - Live in Aizawl’ hi neih a ni dawn a, www.triket.in-ah ticket hi lei theih a ni. Ticket hi Rs. 1,200 aṭanga Rs. 7,000 man thleng lei tur a awm a, General, Gallery leh VIP-ahte ṭhen hran a ni.