Kit Harington-a'n kum 11 a nihin a hming dik tak hre chauh

Kit Harington hi a channa, 'Games of Thrones'-a a hming, Jon Snow tia hriat lar a ni zawk mah. Hetih lai hian Kit Harington tih pawh hi a hming dik tak a lo ni lo a, amah ngei pawhin kum 11 mi a nihin a hming dik tak hi a hre ve chauh tih a sawi.

The Hidden 20% podcast-ah Harington chuan 'Games of Thrones' a rawn lar hnuah, mi tam tak chuan Jon Snow tia an hriat zawk thu a sawi a, 'Jon Snow ka ni lo tih an hriat chuan an lawm lo zawk mah ṭhin,' a ti. A hming tak, Kit tih pawh chu a hming dik tak a lo la ni lo cheu a, 'Kum 11 mi ka nihin, school-ah exam form fill-up na tura Kit Harington tiin ka ziak a, hei hi ka nu leh pa min koh dan pawh a ni tho a ni. Mahse mi pakhat hian i hming chu Christopher alawm, a rawn ti a," tiin a hming dik tak a hriat ve chauh thu a sawi a, a hming chu a duh hle tih a sawi zui bawk. Christopher tih hi Elizabethan era-a English playwright lar, Christopher Marlowe hming chawia an phuahsak a lo ni.