Daniel Craig James Bond a chang tawh dawn lo
Spectre chhuah hnu aṭanga a chan chhunzawm zel tur leh tur loh chungchanga thuthang tam tak a awm hnuah, Daniel Craig chuan James Bond film a chan chhunzawm tawh dawn lo tih a sawi chiang ta.
Daniel Craig hian Metro Goldwyn Mayer hotute hnenah James Bond character chan chhunzawm a tum tawh lo tih a hrilh chiang. James Bond film chang tawh zing≠ah chuan Daniel Craig hi hlawh hnem ber a ni a, Bond film pali a channa aṭangin £mtd 38 zet a hlawh a ni.
A hlawh hnem ang bawk hian sum pawh a thawk chhuak hnem hle. Kum 2005 aṭang khan James Bond film hi a chang ṭan a, a channa James Bond film palitena sum an lakluh zawng zawng hi £tld 2 chuang zet a ni a, MGM sum lama tluchhe tur pawh amah avang hian kal pangngaiin a kal theih phah a ni.
Insider-in a tarlan dan chuan MGM hian Craig hi James Bond film-a chang leh turin an thlÍm a, £mtd 68 zet hlawhtir pawh an huam niin a sawi. Mahse Craig hian hetiang zat sum pawh tawktarh mah se James Bond film chan hi a tum tawh lo a ni. Hetianga chan leh a tum tak loh deuh bur avang hian studio hotu (MGM hotute) chuan a chhuah an phalsak ta a ni. Nikuma an kawmnaah Craig hian Bond film chan leh ai chuan a ban rÍk ruh tihtliah pawh a hreh lo zawk tiin a sawi hial.
Studio lam hotute chuan Craig-a'n Bond film chan chhunzawm a duh tawh loh chhanah hian a kh˚p ṭha lo leh, amah a chauh ve tawh hrim hrim vang niin an sawi. Hetihlai hian tuin nge Craig hi thlak ang tih an la sawi lo a, mi ṭhenkhat chuan Thor film-a Loki lema chang, Tom Hiddleston a nih an ring.
James Bond character hi ziakmi Ian Flemming-a din chhuah a ni
James Bond film hi 24 siam a ni tawh
James Bond lema chang mi pasarih an awm tawh a, Roger Moore chu a chang hnem ber a, pasarihah a chang
A chang hmasa ber chu Sean Connery a ni a, James Bond film chhuak hmasa ber, Dr. No nen, film parukah a chang
George Lazenby chu a chang tlem ber thung a, 'On her Majesty's secret service' ah chauh khan a chang
Kum 1962-a Dr. No film tihchhuah a nih hnu khan spy film siam khawvelin an intihhmuh a, kum 1966-ah ringawt khan hetiang film hi 22 ngawt a chhuak!