Iran-in Kim K a mawhchhiat

Iran sorkar chuan Kim Kardashian chu naupang zawkte modelling lama tuichilh tura thawk angin a puh a, tunhnaia Iran hmeichhe pakhat, sexy taka in-pose vel hmuhchhuah kal zelah Kim Kardashian hi Iran sorkar chuan a mawhchhiat ber.

Iran rama Islam nundan tungding a, an hnam dan tilartu leh, ram dangte an rawn inrawlh tur vengtu, Iranian Revolutionary Guards Corp chuan Kim Kardashian-i internet-a a larna chu midangte nungchang dik lo pu tura kaihruaituah a puh a ni. Revolutionary Guards corp hian Kim-i internet-a a larna chu Instagram hotu, Kevin Systrom-a ruahmanna niin a sawi a, Instagram hian Kim Kardashian hi hmanruaah a hmang niin a puh bawk. Iran sorkar chuan Insta hotute hian Kim-i chu sum pawhin an ṭanpui ngei nia a lan thu an sawi a, hetiang thil hi Iran chuan a ngai thutak hle niin a tarlang bawk.