Billboard 200-ah 'The Tortured Poets Department' a la chungnung zel

Billboard 200 album chart-ah Taylor Swift album,'The Tortured Poets Department' chuan a zawnin kar li chhung a chung ber dinhmun a luah ta. Nikum nipui laia Travis Scott 'Utopia' hnuah tlangzarh aṭanga kar li chhung no. 1 ni leh thei hmasa ber a ni.

April 19-a tlangzarh, 'The Tortured Poets Department' hian a kar linaah United States-ah equivalent album unit 260,000 a neih belh leh a, he album-a hla 31-te hian on-demand official stream mtd. 282.4 hu nei lehin, traditional album sale 41,000 a nei bawk.

Taylor Swift hian a album hrang hrang hmanga Billboard 200-a no. 1 dinhmun a luah zat hi kar 73 a tling tawh a, solo artist zingah hetiang thleng thei an la awm lo.

Gunna album thar, 'One of Wun' chu no. 2-ah a rawn lang thar a, equivalent album unit 91,000 a nei. Morgan Wallen 'One Thing at a Time' chu no. 3-ah a ding nghet zel a, kum chuang fe hnuah pawh chart-ah dinhmun sang tak a la luah chhunzawm thei reng a ni. Future leh Metro Boomin-te album, "We Don't Trust You" pawh no. 4-ah la awmin, Morgan-a album dang, 'Dangerous: The Double Album' chu no. 7 aṭangin no. 5-ah a rawn inhlangkai bawk a ni.