Bollywood star lar eng emaw zatin vote thlak thei lo

India ramah Lok Sabha inthlanpui neih mek a ni a, mi lar tam takte'n vote thlak tura sawmna leh an vote thlak thute an tihchhuah laiin, Bollywood star eng emaw zatin vote an thlak ve thei lo.

Alia Bhatt chu British citizenship a neih avangin India ram inthlanah vote a thlak ve thei lo a, Katrina Kaif pawh British mi niin, lemchan a luhchilh hnua India rama rawn awm a ni a, vote a nei lo bawk. Jacqueliene Fernandez pawh Sri Lanka citizenship nei, a pa Sri Lankan leh a nu Malaysian a ni. Imran Khan chu Madison, Wisconsin-a piang niin American by birth a ni a, Norah Fatehi chu Canadian-Morrocan citizen a ni bawk. Nagis Fakhri hian America khua leh tui nihna a nei a, Kakli Koechlin hi India rama piang leh seilian ni mah se, French citizenship a nei a, Ileana D'Cruz hi 2014 khan Portuguese citizen a ni bawk.