Peloton-in an playlist-ah P.Diddy music khap

American exercise equipment leh media company, Peloton chuan company workout-na zawng zawngah Sean "P. Diddy" Combs' music a khap. Hemi chungchang hi private member Facebook page-ah tarlangin, Diddy music an hman mekte pawh an titawp nghal tih a tarlang.

Peloton-in hetianga a tihna chhan hi Diddy-a'n a bialnu hlui, Cassie kut a thlak lai video a darh vang a ni. He footage-ah hian kum 2016, March thla khan Los Angeles-a Inter Continental Hotel-a Diddy-a'n rawng taka Cassie kut a thlak lai a lang a ni. He thil thleng vang hian Diddy hian ngaihdam dilna pawh a tichhuak tawh bawk. Peloton company chuan an instructor-te zawng zawng chuan an product tharah pawh Diddy music hi engmah an hmang tawh dawn lo tih sawiin, an platform Bad Boy Entertainment Artist Series pawh an tihtawp thu a sawi.