Lehkhabu bawm : 'FIANRIAL THILFIM: Philosophy leh Theology, Bu Sen'

Lalthlanawma lehkhabu ziah, 'FIANRIAL THILFIM: Philosophy leh Theology, Bu Sen' tih chu nimin khan I&PR Auditorium, Treasury Square-ah Lalhruaitluanga Chawngte in a tlangzarh.

Lehkhabu tlangzarh inkhawmah hian F. Vanlalrochana, M.P.S. chuan lehkhabu thlirlawkna hun hmangin Dr. Vanlalvenpuia, Assistant Professor, Department of Philosophy, Pachhunga University College in thu a sawi bawk. He lehkhabu hi Mizo ṭawnga Philosophy ziahna a ni a, philosophy ṭobul Greek hunlai aṭanga rawn chhui chhoin a rawn in din chhoh dan mumal taka ziah a ni. A bu hi hlawm hniha ṭhenin, ṭhen hnihna hi Theology lam a ni thung. Lehkhabu dawr hrang hrangah lei theihin a awm. Lehkhabu ziaktu Lalthlanawma hian University of Hyderabad aṭangin M.A. Philosophy zoin, tunah hian Pachhunga University College, Philosophy Department ah PhD Research Scholar a ni.