BMA-ah Kesha a zai dawn. Court thuchhuak a sawi loh erawh a ngai
Billboard Music Awards-a a zai tur, a label, Kemosabe-in a phal loh avangin Kesha chuan a ṭhulh zet hnuah Kemosabe hian a phalsak leh tak si avangin a zai dawn.
Kemosabe chuan Dr. Luke nena an buaina chung≠chang a sawi chhuak dawn lo a nih chuan BMA-a a zai hi an phal tih an sawi. Kemosabe Records hi Dr. Luke leh Sony-in an din a ni a, Kemosabe hnuaia zaithiam zingah Kesha hi a tel.
Kum 2014 khan Kesha hian Dr. Luke lakah hian thubuai thehlutin, Dr. Luke hian rilru hahna leh buaina a siamsak a, hmeichhia a nih avangin a tihduhdahin, mipat hmeichhiatna kawngah pawh a lakah a chimawm a, chubakah chuan a hnuai≠a zaithiam awmte zingah pawh a en hrang bik niin a sawi a ni. Hei bakah hian Kesha hian Dr. Luke chuan ruihhlo hmangin a chiu rui ṭhin a, chutihlai chuan a lakah nalh lo tak takin a che ṭhin a ni tih a sawi. Hengte avang hian court hnenah Dr. Luke hnuaia contract a neih lai chu titawp turin a thlen a ni.
Hemi chh‚n lÍt nan hian Dr. Luke chu court-ah zualko vein, Kesha leh a nu, Pebe Sebert hian amah tihmualpho an tum niin court-ah hian a thlen ve ta a ni. Hei bakah hian Kesha dan hremi, Mark Geragos lakah tihmualpho tumna thu hi theh≠lut bawkin, Lady Gaga pawh a pawngsual tawh anga ngaih theihin thil a sawi niin a tarlang a ni. Kesha-i'n a puhna zawng zawngah hian Dr. Luke hi a pha bawk.
Heng thubuaite hi ngaihtuah a ni a, kumin February thla aṭang khan ngaih≠tuah ṭanin, Kesha thiam loh zawngin thu≠tlukna siam a ni phawt a, April thlaa an ngaihtuah ṭhat lehah, Kesha-i'n Dr. Luke a puhna, rilru hahna te, buaina te siamsak ang≠a a puhna thu chu ti≠tawpin, a hmeichhiatna hmang khawlo anga a tar≠lan pawh a titawp a, ngaih≠tuah zui zel chiah a ngai lo a, Kesha-i'n a puh≠na hi ngaihtuah zui zel tlak loah a ngai a ni. Hemi avang hian zaithiam dang tam tak chuan Kesha hi an khawngaih a, amah an thlawpna an lantir a nih kha. Kemosabe hi Sony hnuaia a peng pakhat ang a ni.