Eminem-a'n a fan-te A barakhaih leh ta

Eminem chuan Zirtawpni khan puangzar lawk loin a album 'Music To Be Mur­dered By' chu a tlangzarh thut a, a fan-te chu 'Music To Be Murdered By' lamah hian an thle dual ngei ang.

A album thar tlangzarh hi a studio album 11-na a ni a, 2018-a 'Kamikaze' a tlangzarh hnua a album tlangzarh leh hmasak ber a ni. 'Kamikaze' pawh hi puangzar lawk lem loin a tlangzarh thut a, chuti chung chuan rei loteah Billboard 200-ah No.1 a ni nghal. 'Music To Be Murdered By' pawh hi 'Kamikaze' ang tho hian a hlawhtlin leh nghal rin a ni a, streaming service hrang hrangah stream a hlawh nasa nghal hle a, 'Kamikaze' ang bawk hian Billboard 200-ah No. 1 a nih leh nghal thuai rin a ni.

Track 20 awmna album hi Billboard 200-ah No.1 a nih leh chuan US history-a a zawna album 10 No.1 nihpui thei awmchhun a ni dawn a, he record hi a siam leh ngei pawh a rinawm.

Eminem a hming tak  Marshall Mathers hian a album tharah hian artist lar tak tak a thawhpui nual. Chung zingah chuan Black Thought, Ed Sheeran, Q-Tip, Anderson .Paak leh Juice WRLD-te pawh an tel a ni.

Zirtawpniah vek khan Eminem hian music video thar 'Darkness' a tichhuak a, YouTube lamah a hit nghal hle. He music video hi minute 6 zeta sei a ni a, October 1, 2017-a Las Vegas-a  Stephen Paddock-a'n silai a pawngkah a mi 58 lai an thih phahna chungchang kha a ni. Kha silai hmet puaktu thil tawn niawm tak kha he hlaah hian a rawn chham chhuak a ni.

Eminem album thar hian social media lamah sawi zui a hlawh hle a , a bikin 'Darkness' leh 'Unaccom­moda­ting'-te chuan sawi­zui an hlawh zual. 'Unac­commodating' hi 2017-a Man­chester Arena-a Ariana Grande concert laia thihchilh bomb puak chungchang a chham chhuahna a ni a, a lyrics-in sawisel a hlawh hle. Sawiseltu zingah hian mi langsar tak tak leh kha bomb puaka thi chhungte ngei pawh kha an tel a ni.

'Music To Be Murdered By' track list :-

1.    "Premonition" (Intro)

2.    "Unaccommodating" (featuring Young M.A)

3.    "You Gon' Learn" (featuring Royce da 5'9" and White Gold)

4.    "Alfred" (interlude)

5.    "Those Kinda Nights" (featuring Ed Sheeran)

6.    "In Too Deep"

7.    "Godzilla" (featuring Juice Wrld)

8.    "Darkness"

9.    "Leaving Heaven" (featuring Skylar Grey)

10.    "Yah Yah" (featuring Royce da 5'9", Black Thought, Q-Tip and Denaun)

11.    "Stepdad" (Intro)

12.    "Stepdad"

13.    "Marsh"

14.    "Never Love Again"

15.    "Little Engine"

16.    "Lock It Up" (featuring Anderson Paak)

17.    "Farewell"

18.    "No Regrets" (featuring Don Toliver)

19.    "I Will" (featuring Kxng Crooked, Royce da 5'9" and Joell Ortiz)

20.    "Alfred" (Outro)