James Hetfield-a'n Lemmy Kilmister a vuipui

Metallica frontman James Hetfield chuan Rock & Roll Hall of Fame-a tun thlenga Motorhead legend, Lemmy Kilmister lak luh a la ni lo chu a vuipui a, thil zahthlak tak a ni, a ti.

'The Metallica Report' podcast-ah Hetfield hian he thu hi a sawi chhuak a, Lemmy zahna lantirna atana a tattoo chhut thartir pawh a sawi lang bawk. "He planet-a most rock and roll living person chu tun thlengin Rock and Roll Hall of Fame-ah a la awm ve lo," tiin hei hi rock and roll zah lohna lian tak pakhatah a ngaih thu a sawi hial. Motorhead hi Rock & Roll Hall of Fame-a lak luh tura nominate zingah pawh vawi khat chiah an la lang a, kum 2020-ah khan niin, hemi ṭum hian lak luh tura thlan an ni zui ta lo bawk a ni. Hetfield-a band, Metallica hi kum 2009 khan Hall of Fame-ah hian lak luh an ni thung.