Footballer Apuia'n Swift Generation 4-na khuh hawng; GIG HSLC Top 10 Scholarship sem

GIG Showroom, Edenthar-ah nimin khan Maruti Suzuki Swift Generation 4 chu footballer Lalengmawia Ralte (Apuia, Mumbai City FC) chuan a khuh hawng.

Product review-tu, Lalrawngbawla chuan an khuh hawn tak, Swift Generation 4 chu mileage a ṭhat avangin petrol a heh lo tih a sawi a, kum 5 chhung chu Swift generation dang siam a nih loh tur thu a sawi lang bawk.

Nimin vek khan GIG-in an buatsaih ṭhin, HSLC Top 10 Scholarship semna hun chu hman a ni nghal bawk. He scholarship hi GIG neitu leh a hnathawkte'n thla tin an thawh khawm ṭhin aṭanga sem a ni a, mi pakhat tan Rs. 12,000 ṭheuh an hlan a ni.

MZP hruaitute chuan zirlaite tana inphal sumdawng luangchhuak thin an awm chu fakawm an tih thu an sawi.