Tasmania-ah Wu-Tang Clan album pho lang dawn

Recorded music history-a collector item hlu ber zinga sawi, Wu-Tang Clan album, One Upon a Time in Shaolin' copy la awm chhun chu Tasmania-a Art Exhibition-ah pho lan a ni dawn.

Hobart-a Museum of Old and New Art (MONA) chuan exhibition, Namedropping a buatsaiha pho lan tur hian loan-in a hawh a, an hawhna man hi puan zar a ni lo thung. June 15-24, 2024 chhung hian Mona Frying Pan Studios chuan he album-a hla thlan bikte ngaihthlakna hun, 30-minute listening party a buatsaih ṭhin dawn a ni.

1992-a Staten Island, New York City-a din, hip hop group Wu-Tang Clan hian he album hi kum 2006-2013 inkara an siam niin, physical copy hi pakhat chiah siamin silver box-ah dah a ni a, hla 31 a awm. Streaming service nghawng chho leh music piracy an do letna atana an tih a ni a, kum 2103 hma chu he album hi commercial lam atana hman theih loh tiin, listening parties tan chauh play theih turin inremna an siam a ni. Kum 2015 khan drug firm executive Martin Shkerli chuan lilamna aṭangin album hi USD mtd. 2-in a lei a, 2016 khan a intiam angin Donald Trump tlin lawmna atan music clip ṭhenkhat hi YouTube-ah a tichhuak. Mahse kum 2018 khan investor-te laka dik lo taka thil tia puhnaah thiam loh chantir a nih avangin US prosecutor-te hnenah he album hi hlantir niin, a hnuah US Deparmtent of Justice chuan digital art collective Pleasr hnenah USD mtd. 4-in a hralh leh a ni.