Shiloh-i'n a nu leh pa larna hmang ṭangkai ngai lo

Hollywood super star pahnih, Angelina Jolie leh Brad Pitt te fanu, Shiloh Jolie-Pitt chuan a thil tihnaah a nu leh pa larna hman ṭangkai a tum ngai lo tih a choreographer Keelan Carter chuan a sawi.

Shiloh hi kum 18 mi ni tawhin, lam a tui hle. Keelan hian video eng emaw zatah Shiloh dancing skill ṭhatzia te pawh a lo tilang tawh a, ngaihven pawh a hlawh hle. Keelan chuan Shiloh chu talent nei ṭha tak, a thiltihah theihtawp chhuah leh rim taka thawk ṭhin a ni tiin, a 'celebrity status' chu intihlarna atana hman ṭangkai a tum ngai lo a, a tirah phei chuan tu nge a ni tih pawh a lo hriat loh thu a sawi. A lamna video a post-te pawh a hnena lam zir ṭhin, feature phua a hriatte a dah chhuah dan angin ang khat veka a teh an nih thu a sawi bawk.