Sangkimi Khiangte folk song hmasa ber zaninah

Sangkimi Khiangte chuan hla thar 'Lianrikhumi Zai' a tichhuak dawn.

'Lianrikhumi Zai' hi folk song niin H Vanlalhlana phuah a ni a, music chu Rpa Ralte kut chhuak niin Video chu Chiangtea siam a ni a, recording chu HC Record-a a tih a ni thung.

Sangkimi chuan, "Folk song ka sa tur hi mi ṭhenkhat chuan mak an ti deuh mai thei, programme ka neihna ṭhenkhatah chuan ka sa ve fo a, mahse music video chu a hmasa ber tur a ni. A hla phal taka min saktir avangin H Vanlalhlana chungah ka lawm hle a ni," tiin a hla thar tur chungchang hi Vanglaini a hrilh.

'Lianrikhumi Zai' music video hi zanin hian Zonet lamah thlirin a ngaihthlak theih tawh dawn a, kar leh lamah chuan YouTube lamah pawh a awm tawh dawn a ni.