Celine Dion-i'n final performance neih a tum

Aw ropui tak nei, legendary singer Celine Dion chuan stiff person syndrome (SPS) vangin hun rei tak harsatna a tawk tawh a, mahse, heti chung hian a chhungte leh fan-te pualin TV special-ah a tawpna atan zaia inlan leh a tum.

SPS natna a neih hnuah pawh Dion hian stage lama inlan leh theih hi a tum hle a, kum 2022 aṭang khan nasa zawka inenkawlin ni tin therapy a la a, tlemin ziaawm chho mah se, enkawl dam vek theih a ni dawn lo tih amah ngei pawhin a hre chiang tawh a ni. A taksa chetvelnaah harsatna lian tak a neih avangin mipui hmuhah pawh a inlan khat tawh hle a, tun hnaia a inlanna chu Grammy Awards-ah khan niin, Taylor Swift hnenah Album of the Year trophy a hlan a ni. March 15 khan SPS a neih leh, he natna a beih let chhoh dan documentary siam a ni bawk. Mipui hmaa zaia inlan leh ngei tum hian thla ruk chhung chu vocal coaching ngawrh takin a nei tawh a, a aw a chhuah ṭhat leh theihna turin specialist-te nen theihtawp an chhuah a, hei vang hian stage-ah a tawpna atan zai leh theih pawh a tum ruh hle.