Vanapa Hall-ah 'Pangpar Huan' tlangzarh dawn

'Mo sual' movie siamtu, Melody G Fanai film thar, 'Pangpar Huan' chu zanin hian Vanapa Hall-ah tlangzarh a ni dawn.

'Pangpar Huan-A family warfare' hi drama, romance leh tragedy inpawlh niin, mi tin mil tura siam, naupang/pitar putar thlenga en him tura duan a ni. He film hi thil thleng tak tak behchhan niin, a thawnthu ziaktu hi H. Lalmuanpuia, YouTube lama Misualpa tia hriat lar kha a ni.

A changtute hi lemchan lama sulhnu ṭha tak tak lo nei tawh, Ambush, Rawngchawpawlh leh Mo sual film tea lo inhnam-hnawih tawhte an ni nawk hlawm. Mizo Idol top 10 leh Zoram rimawi huanga mikhual lo tak Rinhlui Tlumang he film-ah hian an inlan dawn bawk. Anni bakah hian mi thar, chang thiam tak takte an inlan dawn bawk a ni. Film hi release a nih rual hian Runmawi App-ah en theih tura chhawp chhuah nghal a ni ang.