Nicki Minaj-i'n Princess Diana hriatrengna hun siam

Rapper Nicki Minaj chuan Birmingham, United Kingdom-a Resorts World Arena-a Pink Friday 2 World Tour a neihah, mipui kal khawmte chu kum 1997-a motor accident-a boral ta, Princess Diana hriatrengna atan rei lote ngawi renga awm turin a sawm. Princess Diana chu 'Dear Friend' tiin a sawi bawk.

Nicki Minaj leh Princess Diana hi ṭhian erawh an ni tak tak lem lo a, kum 36 mi nia Princess Diana a thih lai hian 'Super Bass' rapper hi kum 14 mi chauh a la ni, hmaichhanah pawh an inhmu lo a ni. Mahse Minaj hi Princess Diana ngaisangtu niin, a hming hi a hma pawhin a lo sawi lang tawh ṭhin. Ice Spice, 'Princess Diana' tihah pawh an thawk dun a ni.