Mizoramah Madras Christian College zaipawl

India rama Kristian zirna din hlun berte zinga mi Madras Christian College-a zirlai, Madras Christian College Choir te chuan Mizoram an rawn tlawh dawn a, Aizawl leh Lungleiah te an zai ang.

Madras Christian College Choir-ah hian mi 100 vel an awm a, amaherawhchu tun tour-ah hian mi 50 vel chauh an rawn tel thei dawn a, heng zinga 20 te hi hnamdang an ni ang. MCC Choir hi an chaplain Revd Dr. V.M. Spurgeon leh an History professor Dr. Surendran Purushotham ten an rawn kalpui dawn a ni.

Aizawlah kohhran panga an tlawh dawn a, chungte chu Zarkawt, Khatla, English Congregation, Mission Veng leh Mission Vengthlang Kohhrante a ni ang. Lungleiah May 30 hian F.W. Savidge Memorial Baptist Church, Rahsi Vengah hun an hmang dawn a ni.

Aizawlah chuan, May 27, Zirtawpni dar 7 aṭang hian Zarkawtah an prog≠ramme pui ber tur buatsaih a ni ang a, he programme (Choral Service)-ah hian classical music chi hrang hrang an tum ang. George Frideric Handel hla ìDettingen te Deumî an perform ang a, tin ìThe Easter Storyî an conductor Lalsangliana Ralte lehlin chu guest choir te nen an sa bawk ang. Guest choir te hi Mizorama zaipawl larsa Mizo Cardinal Choir leh Leprosy Mission Choir te an ni. Guest solist atan Henry Varte leh Stacy V.L. Muanpuii te an ni ang. Classical composer lar - Handel, Bach, Mozart, Haydn leh Beethoven hlate an sa dawn a ni. Zaipawl pui tur hian Aizawla music zirlaite khawmin ìAizawl Youth Orchestraî din a ni.

An conductor Lalsangliana Ralte hi tuna Ph.D. ti lai mek niin Mizo rimawi lam (lengkhawm) te leh Mizo inkaihruai dan chungchang paper Oxford-ah leh Cambridge-ah te a lo present tawh a ni. Madras Christian College hi India rama college ṭha ber leh changtlung berte zinga mi niin, kum 178-a upa a ni. Tunah hian zirlai 5000 chuang an nei.

MCC-ah hian Mizo Chaplain Revd Lalrokhuma Hmar awmin, College Campus Ministry enkawl pahin Mizo zirlaite tan a awm. Programme hi LPS-ah live a pek chhuah a ni ang.