Aguilera leh Houston zai leh dawn lo

Kar leha The Voice final-ah Christina Aguilera chuan hologram hmangin Whitney Houston a zaipui dawn an ti zet a, mahse Whitney Houston chhungkaw aiawh thusawitu, Pat Houston chuan ṭhulh a nih leh thu a sawi.

"Thil la tih ngai loh tih kan tum a, heng zaithiam pahnih ngaisangtute tan thil ropui tak tihsak kan tum a, mahse Hologram hi technology thar a ni. Sawiselna awm miah loa tihchhuah kan duh a....uluk takin an siam tawhte kan en a, kan thlir hnuah tihchhuah tur chuan peihfel tawk a la ni loin kan hria a ni," a ti.

Christina Aguilera leh Whitney Houston te zai hi zanin hian tihchhuah tum a ni a, mahse picture ṭhenkhat leh an perform lai video ṭhenkhat chu internet lamah a lo put ru hman a ni. Hei vangte pawh hian tihchhuah loh mai an tum nia sawi a ni.