Lalrintluangi'n Mt. Everest a lawn chhuak

23rd May, 2016

Khawvela tlang chhip sang ber, Mount Everest chu Inrinni khan Lalrintluangi leh a team, All India NCC Girls Expedition te chuan an lawn chhuak. Lalrintluangi hi Mizo hmeichhe zinga Mount Everest lawn chhuak hmasa ber a ni a, Mizo zinga lawn chhuak hmasa ber dawttu a ni. Kum 2013 khan David Zohmangaiha chuan a lo lawn chhuak tawh a ni.

All India NCC Girls Expedition team-ah hian member 10 awmin, heng zingah hian Lalrintluangi chiah hi India hmarchhak aṭanga tel awm chhun a ni a, May 18 khan Base Camp chhuahsanin, camp awmna sang zawk an pan
ṭan a, May 21, Inrinni khan an lawn chhuak ta a ni.

Lalrintluangi hi Lalbiaknipuia leh Zirthangi te fanu niin, Dawrpui Vengtharah an cheng a, KM Higher Secondary School-ah a lut.