Stephen Curry ngaihdan a danglam

Basketball lama khawvela mi ropui ni mek Stephen Curry chuan miin an kawmna apianga Bible chang sawi chhuah reng a tum lo a, ṭul a ti lem lo.

Kristian player langsar Stephen Curry hian chanchinbu leh TV ten an kawmna apiangah Bible ch‚ng leh Pathian thu sawi chhuah kher a tum lo a, ṭul a ti lo. A ngaih pawimawh erawh chu a inkhelh laiin, midangte inkhelh dan nena inang lo, mi khelh anga khelh loh a tum a, chu chu an inkhel entute pawh an hmuh theih ngei tura ṭan lak a tum.

Steph chuan, "Ka inkhelh hian ka khelh dan a danglamin, thil dang, eng emaw tan ka khel a ni tih hmu se ka duh a ni. Ka sawi chhuah kher lo pawhin danglamna a awm tih hmuin hria se ka duh a ni," a ti. "Ka awm dan leh ka khelh danah danglamna bik hmu se, chuta ṭang chuan thil dang an ngaihven dawn a ni," tiin, a khelh dan leh nun dan hmanga Kristian a ni tih tihlan a tum a ni.

Steph hian, "Ka nu leh pate nen Pathianni leh Nilaini tin kan inkhawm ṭhin. Kan ṭhalai pastor-in keimahni tan ṭheuha thutlukna siam tura min tih hma kha chuan Lalpa nena inlaichinna bik ka nei ngai chuang lo," tiin, maich‚m hmaa a din chhuah a, Pathian tana a inpek a, thutlukna a siam aṭang chiahin nun danglam a nei ta tih a sawi.