One in Christ MV thar nei mah se 'Ni Thar' nen bawk

Hontrade International Ṭhazual Faknaah chuan One in Christ bawk a hma hruaitu an ni a, a zawnin
ṭum thum chu pakhatnaah hian an awm ta.

One in Christ hian tunhnai mai khan music video thar 'Min chung khat leh ṭhin' tih hla an tichhuak a, chutih mek lai chuan an music video ngai, 'Ni thar' hmangin pakhatna
ṭhuthmun an luah. One in Christ hi kum 2013-a 'Ka lawm e, Lalpa' tih hla aṭang khan chart-ah hian an hmel kan hmu ṭan a, kha kha August 12, 2013 khan a ni. Khami hnu aṭang khan music khawvelah an rawn lian chho zel a, tunah chuan Hontrade International Ṭhazual Fakna 10-ah pakhatnaah ṭum thum lai an awm thei ta.

Tunah hian music video pali an tichhuak ve ta a, 'Ni thar' hi One in Christ-in an hlawhtlinpui ber hla a ni a, 'Ka zai ang a' tih hla kha pahnihna hial a thleng thei a ni. 'I mangan a hria' tih music video pawh an buaipui mek a, a peihfel tawh hial mai thei. He hla hi an member Alvin Lalruatfela lehlin a ni. Album an buaipui mek a, an album tur hi 'Ka lawm e, Lalpa' tih hla a ni.

Pensy-i chu pahnihna aṭangin pathumnaah a chhuk thla a, a hmunah hian Mawitei a rawn awm thung. Mawitei hi chart-a pakhatna pawh lo ni tawh a ni a, chuvang chuan pakhatnaah pawh a chhoh mai a rinawm hle. Pangana aṭangin Amtea hla 'Ka thlang ber che' tih chu palinaah a rawn chho a, palina aṭangin Baby Malsawmtluangi chu panganaah a chhuk.

Hontrade International Ṭhazual Fakna

1 One in Christ - Ni Thar

2 Mawitei - A thlamuan ang che

3 Pensy- Duhthlanna ruamah

4 Amtea - Ka thlang ber che

5 Baby Malsawmtluangi - Ka hlau lovang

6 Rebecca Zorintluangi - Kraws mak tak chu

7 Stacy VL Muanpuii - Khawngaihna Thing Kraws

8 Temii Sailo -
Ka lungawina Isua

9 Chris MS Dawngkima - Thinlungin ka fak ang che

10 Betea - Ka tan I tuar