The Weeknd tan zan pawimawh Billboard Music Awards

Anni tana Pathianni zan, keini tana Thawhṭanni zing khan Billboard Music Awards chu sem a ni ta a, The Weeknd ropui zan a ni ringawt; ani hian award pariat ngawt a dawng a, chung zingah chuan Top Hot 100 Artists leh Top R&B Artist te a tel.

T-Mobile Arena, Las Vegas-a BMA sem zanah hian Adele chuan award an ngaih ropui em em a dawng a, chu chu Top Artist a ni; a hmunah amah a kal theih loh avang≠in a lawmthu sawina video play a ni. Justin Bieber chuan Top Male Artist a dawng a, Rihanna chuan Char Achievement Award a dawng bawk. Rihanna dawn hi a hlu ang reng hle a, a chhan chu fan-tena an vote a ni.

The Weeknd bakah langsar dang chu Adele hi a ni a, Top Artist, Top Female Artist, Top Sel≠ling Song (Hello), Top Billboard 200 Artist, leh Top Billboard 200 Album te a dawng. Celine Dion pawh lawmpuitu an ṭhahnem hle. Ani hian Billboard Icon Award a dawng a, a chawimawina dawn hi fam ta, a pasal, a manager ni bawk Rene Charles tan a hlan a ni. Charles hi kumin January khan cancer vangin a thi.

Britney Spears a che ropui a, Work Bitch, Wo≠ma≠nizer leh a hla lar tak takte a rawn sak zawm a, sawiselna kara perform, Madonna pawh a che ropui. Prince puala hun hmangtu bik a ni a, Prince hla phuah, Sinead O'Connor-in a sak lar, 'Nothing Compares 2 U' a rawn thlawh fuh hle a, chu≠mi hnuah Stevie Wonder chu rawn chhuak vein, an pahnih hian Prince hla hit 'Purple Rain' an rawn sa. Mipui rilruah zaithiam, mu≠sician leh hla phuah thiam fam ta Prince chu a awm a ni ber mai. The Weeknd chuan Top Hot 100 Artist adawn chu Prince tan a hlan.