TREASURE-in 'KING KONG' hmangin ro an rel

31st May, 2024

South Korean boy band, TREASURE chuan an hla thar, 'KING KONG' hmangin khawvel iTunes chart-ah ro an rel.

'KING KONG' hi May 28 zan khan an release a, May 29-ah chuan region hrang hrangah iTunes Top Songs no. 1 a rawn ni nghal. No. 1 an nihna region zingah hian Argentina, Brazil, Indonesia, Mexico, Thailand, Philippines, Vietnam, Peru leh Singapore pawh an tel. Japan-a Rakuten Music leh AWA realtime chart-ah pawh no. 1 a ni bawk. 'KING KONG' music video hi an tihchhuah aṭanga darkar 24 chhungin YouTube-ah view mtd 5 chuang a nei hman a, YouTube music trends-ah no. 4 a rawn ni nghal bawk. He hla hi nikum July thla an album, 'REBOOT' an tihchhuah hnuah single tihchhuah leh hmasa ber a ni.