Netflix-ah 'Bridgerton Season 3' a la hit zel

Netflix-ah Bridgerton Season 3 chu tihchhuah a nih aṭanga kar hnih hnuah pawh a la hit hle a, series entu ngah ber a la ni chhunzawm.

'Bridgerton Season 3 Part 1' tihchhuah a nih khan view mtd. 45.1 zet a nei a, view hour hi darkar mtd. 180 a tling pha. A kar thumnaah hian entu hi 43.9%-in tlahniam mah se, kar khat chhunga TV series entu ngah ber a la ni tho a ni. Season 3 Part 2 hi June 13-ah tihchhuah chhunzawm a ni ang. Part 1 leh 2-ah hian episode pali ve ve a awm. Season 3 hi Colin Bridgerton (Luke Newton) leh Penelope Featherington (Nicola Coughlan) te love storya ni. Kum 2022, March thlaa Season 2 tihchhuah a nih khan tihchhuah karah view mtd. 22.7 a nei a, Season 2 hi Viscount Anthony Bridgerton (Jonathan Bailey) leh Kate Sharma (Simone Ashley) te inkar chanchin a ni ve thung.