Queen-in an catalogue USD tld 1-in hralh mai thei

Sony Music chuan rock band Queen music catalogue lei tumin inbiakna a neihpui mek a, a man hi USD tld. 1 a tlingchhoh rin a ni. Music catalogue an lei tumah hian Queen superhit - Bohemian Rhapsody, Radio Ga Ga leh Another One Bites the Dust te pawh a tel.

An inbe rem thei a nih chuan an inremna hian Queen hla bakah, an band kaihhnawih property hrang hrang - logo, music vidoe, merchandise, publishing leh business te pawh a huam tel vek ang. Nikum aṭang khan inbiakna hi an kalpui ṭan tawh a ni. Queen hian an price tag, USD tld. 1 hi an hmu thei a ni chuan, music catalogue hralh to ber an ni ang. Sony vek hian kum 2021 khan Bruce Sprinsteen catalogue chu USD mtd. 500 leh, kumin kum tir khan Michael Jackson music chu USD mtd. 600-in an lo leisak tawh bawk. Queen hian artist pahnihte ai hian Spotify-ah monthly listener an la ngah zawk hle a, mtd. 52 an neih laiin Jackson hian mtd. 41 leh Springsteen hian mtd. 20 an nei.