MDC-in Dance Competition leh Showcase buatsaih leh dawn

Mizo Dance Camp chuan June 26-28 hian Dawrpui Multipurpose Centre -ah ‘The Main Event’ an buatsaih leh dawn a. He hunah hian Hei Raw Dance Competition, Showdown Dance Battle, National Dance Workshop leh Showcase te neih a ni ang.

Mizo Dance Camp hi May ni 31, 2014 khan din niin, kumin hian an kum 10 lawmna ni pah fawmin Showcase ropui tak chhawpchhuah an tum. Dance Competition leh Showdown Dance Battle-a tel tumte tan information kimchang chu MDC Social Media lamah tarlan a ni.

Kumin hian National Dance Artiste pahnih Mekhola Bose, Mumbai leh Sammy Hamar, Assam a mi te chu endik tur leh performance nei turin an lo kal dawn a, anni bakah Mizo top dance artiste te an in lan bawk ang. MDC Showcase 2024 pual hian Summer Intensive Class chu vawiin, June 3 aṭangin ṭan a ni dawn a, zirlaite hi Showcase-ah hian an perform dawn a ni.

Nikum khan MDC The Main Event hi ropui taka lo buatsaih a ni tawh a. Hmarchhak state hrang hrang aṭangin dancer an rawn tel chikim hle. Kumin pawh hian state hrang hrang aṭangin tel tur hming pe an awm nual tawh a ni.