Zoram khawvela concert ropui buatsaihtu Zorock

Mizoram rimawi chanchin sawi tawha mimala concert ropui ber, tuma tluk rual loh buatsaihtu chu Zorock tia kan hriat lar, Rosangliana hi a ni. Kum 1991 November thla ni 27, 28, leh 29 te khan AR Lammualah concert a nei a, hetiang tluka ropui hi chu Mizo fate zingah concert buatsaih thei an la awm lo.

Concert ropui

Zan hmasa ber, November 27 zana concert-ah hian Lammual tual chu mipuiin an luah khat vek a, amah Rosangliana chuan, "Stage-a ka chuang chhuak a, mipui ka'n hmu chu an tam hi ka ti khawp a, pawisa pawh a lut tam dawn hle mai a, ka ti rilru a, ka hlim hle a ni," a ti. November 28 zanah a concert thawh hnihna a nei leh a, hemi zan hian khua a dur a, khua a nawm loh deuh avangin mi an tlem deuh a, sang li bawr vel chu an tling tho. November 29 zan, a concert tawp zanah khua a pangngai leh a, Lammual chhungah mipui an khat leh vek a, gallery pawh an luah khat ṭha hle. He concert hi Mizorama Mizo zaithiam concert buatsaih tawhah chuan a la ropui ber a ni.

Zorock concert hi a album hmasa ber, Zorock Vol. I tihlarna concert a ni a, he album hi hemi kum, kum 1991 October thlaa tihchhuah kha a ni a, a ropui a, album hriatreng tlak a ni ngei ang. Rosangliana'n Mizo hla a sak hnua a album tihchhuah hmasak ber a nih mai bakah Rangoon (tuna Yangon)-a record a ni a, a record lai aṭangin harsatna a tawk a, nasa takin a damloh phah a ni.

Zorock Vol. I

Vulmawi band-a an rhythm Lal≠hmingliana puihnain Rosang≠liana hian Rangoon a pan a, recor≠ding a ti ṭan a, recording studio chhung hi A/C room a ni a, a hrawkin a ngeih lo a, a ‚wm a nat phah a ni. A zai ṭhat theih nan green tea sa vÍt v‚wt a in a, a zai chu a chhawk ngang mai a, "Zai a nuam a, ka hrawk a tlang
ṭha a, ka zai nasa hle," a ti. Pum ruak, engmah ei loa zing aṭanga awm a ni a, green tea sa tak a in bawk chu a ngeih lo hle a, a pum a
ṭhat loh phah a, nasa takin a
damloh phah a ni.

Damlo chungchung chuan Zorock Volume I chu a zo a, a tichhuak ta a, phung zinga piring vawrh ang maia hralh kal a ni. "Ṭum thum a hit a, a tirah copy 15,000 vel kan hralh zo a, a hnua kan hralh leh te nen chuan copy 30,000 chuang chuan kan hralh ka ring," tiin Rosangliana chuan sawiin, "Pu Lalruanga'n a copy ngat ngat a, a copy zawh chin chu hralh zawh nghal zel a ni a, a copy hneh ngang lo zawk a ni," a ti.

Hemi hnu hian Zorock Vol. II a tichhuak leh a, Vol. III a tih≠chhuah hnuah Mualzavata album a tichhuak leh a, tun thlengin album 11 a tichhuak tawh a, music video pawh 20 vel a nei tawh.

Hla phuahtu danglam

A hla phuah dan a danglam a, Mizo hla thu ṭawngkam hmang loin, ṭawng tluang pangngaiin rem taka a phuah thiam hi a dang≠lamna leh a hlawhtlinna pakhat a ni. "Zorama awm ka ni lo a, hla thu ṭawngkam hi ka hre lo. Mizo hla tlem tlem ka ngaihthlak aṭanga hre ve chauh ka ni. Mizo Kristian Hla Buah te hla thu
ṭawng kher hmang loin hla ṭha tak tak an phuah a, chuvang chuan hla ṭha tak tak hi hla thu ṭawng kher hmang loin a phuah theih hi ka ti a ni," a ti. Tun thlengin hla 115 vel a phuah tawh. "Ka hla phuah zinga ka duh ber chu 'Ka Thai' tih hla a ni. Tunlaiah nupa inṭhen
tam tak an awm tawhnaah
hian he hla hi a ṭha ka tiin pawimawh ka ti a ni," a ti.

Rosangliana hi Assam Rifle-a a awm lai aṭangin sipai band-ah music hi a khawih tawh ṭhin a, kum 1980 aṭang khan BSF-ah insawnin, hetah pawh hian band lamah bawk a lut a, rock music an play ṭhin. Sap hla, rock hla deuh hlir an play ṭhin avangin Mizo hla a ngaithla tam lutuk lo a, an awmna hmun thleng pha hla tlÍm te aṭangin Mizo hla thu kalhmang hi a zir a ni. Kum 1989 aṭang khan Mizo hla hi a sain a phuah
ṭan chauh a ni. Kum 2014 oct 31 khan sipai aṭangin a pension a, a nupui, Chawngi te khua, Kolasib-a an awm zet hnuah Aizawl≠ah rawn insawn chhoin, tunah hian Edenthar Vengah an khawsa mek. Fanu pali leh fapa pakhat a nei. Album siam a tum hran tawh lo a, sponsor a hmuh dan ang zela music video siam erawh a la tum.