FAKTU hla thar zaninah chhuak dawn

Gospel band thar Faktu chuan zanin hian an hla hmasa ber 'Ṭahna Reng a Awm Tawh lo' chu an tichhuak dawn a, Zonet lamah thlira ngaihthlak theihin a awm dawn.

Mipa panga- Mapeka, JH Lungmuana, Betea, Sangzuala leh Bka te band hla hmasa ber hi an zai ngainatute tan chuan hmaih phal chi a ni lo ang.  

An inbuatsaihna a rei tawh a, music video pawh an buaipui rei hle. 'Ṭahna Reng a Awm Tawh lo' hi Sangkhumi Pachuau phuah a ni a, a thluk erawh anmahni siam ho a ni thung. Music video chu Mawitea, RDS shot kutchhuak a ni dawn a, en a manhla leh hle ang. Kartawp lamah hi chuan YouTube lamah pawh thlira ngaihthlak turin a awm hman tawh beisei a ni.