Roger K Ngursangzuala'n hla thar tichhuak dawn

MDM artist Roger K Ngur­sangzuala chuan hla thar 'I Fak ang u' a tichhuak dawn. 

'I Fak ang u' hi Kima Varte phuah a ni a, music pawh ama kutchhuak a ni nghal bawk a, recording erawh Atea home recording-a a tih a ni thung. Music video chu Seven teen production-in an siam sak a ni. 

Roger-a hian a hmain hla pahnih a tichhuak tawh a. Tun ṭuma mi hi MDM library-a a hla dahluh pathumna niin pop lam hawi a vawi khat sakna tur a ni a, Zonet lamah zanin hi chuan kan hmuh hman tawh beisei a ni a, YouTube lamah pawh en tur a awm thuai ang.