British musician awm tawh zingah Adele contract a pui ber

British mi, zaithiam piang tawh zingah Adele contract hi a ropui ber a, Robbie Williams-a'n record a lo siam tawh chu a rawn kh˚m.

Kum 2002 khan Robbie Williams hian FMI nen contract an ziak a, he an contract ziah hi £mtd 80 zet a ni. Hei hi British music history-a record deal ziah tawha lian ber a ni ṭhin a, mahse Adele a rawn lan chinah chuan a ber a ni pha ta lo.

Record siam thei Adele hian record a rawn siam thar leh a, Sony nen record deal an ziak a, hei hi £mtd 90 a ni a, he a deal thar nena chhut hian Adele hausakna pawh £mtd 175 zet a tling tawh dawn niin an sawi. Khawvel pum huap pawhin a theuneu lo mai ni loin, hmeichhiaah chuan contract ropui ber a ni. Whitney Houston leh Arise ten contract an ziah kha hmeichhe zaithiam contract awm tawha la lian turu ber a ni a, Adele hian a rawn khum; Hous≠ton contract kha £mtd 70 a ni.

Adele hi a hma chuan, kum 2006
aṭang khan XL label hnuaia awm ṭhin a ni a, mahse an contract ziah chu a hun a zawh tak avangin Sony hian contract an ziahpui a, tunah chuan Sony hnuaiah album leh hlate a tichhuak tawh dawn a ni. Hetiang zata tama Sony-in Adele contract an ziahpui hi mi tam tak chuan mak an ti hle. Tunlai khawvelah piracy avang leh streaming service a ṭhat tawh avangin album pangngai hralh a tlahniam sawt hle.

Adele hi Tottenham, North London chhuak a ni a, kum 2008 khan BBC Sound of 2008-ah Adele thlan a ni a, a thlangtute hi music lama mithiam leh rilte an ni a, music khawvela beiseiawm ber tura an ngaih an thlang ṭhin. Hemi kum hian a album hmasa ber '19' chu a tichhuak a, hralh a kal hle. He album hmang hian kum 2009 khan Grammy-ah pawh Best New Artist a dawng nghe nghe. Kum 2011 khan a album pahnihna '21' a tichhuak leh hlawhtlin namenin a hlawhtling lo. Nikum khan '25' hi a rawn tichhuak leh a, music history-ah record a rawn siam nghal chur chur a nih kha.

'25' hi album ropui a ni a, nikum chhung khan khawvel pumah copy maktaduai 17.4 a hralh a, Britain-ah ringawt pawh copy maktaduai 2.5 zet a hralh. Britain-ah hian album hralh chhuah zaa 17.7 chu Adele album '25' hi a ni.