Teen Choice Awards nominee an puang

Tleirawlte puala award siam, Teen Choice Awards nomnation list tihchhuah a ni a, movie lamah chuan Captain America: Civil War leh Batman v Superman te an langsar a, music lamah chuan Selena Gomez leh Justin Bieber, leh TV film lamah chuan Pretty Little Liars leh Vampire Diaries te an langsar.

Civil War leh Batman v Superman te hi sci-fi/fantasy movie huang chhungah an lang dun a, sci-fi/fantasy actor leh actress Chris Evans, Robert Downey Jr. leh Scarlett Johansson te Civil War aṭangin an lang a, Batman v Superman aṭangin Henry Cavill, Ben Affleck leh Amy Adams te an lang. Heng film pahnihte hi category pathumah ve ve an lang a ni. "Deadpool", "In the Heart of the Sea", "Maze Runner: The Scorch Trials", "Spectre", "The Divergent Series: Allegiant" leh "The Jungle Book" te hi movie langsar dangte an ni.

Music huang chhung≠ah Gomez leh Bieber lansarh chhan pakhat chu lo inngaizawng hrep tawh leh, tun thlenga chanchin la nei reng an nihna hi a ni. An pahnih hian ca≠tegory pahnihah ve ve an lang a, Female Artist leh Male Artist te hi award mala ngaihhlut an ni a, hengte hi an lanna a ni. Choice Male Artist bikah hian Bieber bakah Charlie Puth, Drake, Nick Jonas, Shawn Mendes leh Zayn Malik te an lang a, Female Artist-ah hian Ariana Grande, Beyonce, Demi Lovato, Rihanna, Gomez leh Taylor Swift te an lang.

TV lamah chuan Pretty Little Liars hi category parukah ngawt a lang a, chung zingah chuan an ngaihhlut, Choice TV Show: Drama hi a lansarh lehzualna a ni. Liars dawta lang hnem leh chu The Vampire Diaries niin, category panga zet≠ah a lang.