Shawn Mendes leh Justin Bieber zai dun mai thei

Radio show, Capital Breakfast huna Roman Kemp-a'n Shawn Mendes a kawmnaah Mendes chuan Justin Bieber nen an zai dun mai thei tih a sawi a, thuchiang erawh engmah a la awm lo, a ti.

October 6 khan Shawn hi radio show-ah Roman Kemp hian a kawm a, he hunah hian thla hmasaa Justin-a nen studio-a an awm lai hmuh a nih chungchang sawi chhuakin, hei vang hian an zai dawn em tih a zawt a, Shawn chuan an zai dun dawn leh dawn loh chu tunah chuan sawi chian thei engmah a la awm lo tih leh an zai dun mai theih thu hian a chhang a ni.

"Kan zai dun a nih chuan keimah hi ka lawm hle dawn a, Justin hi kum 9 mi ka nih aṭang tawhin artist ka ngaihsan ber zinga mi a ni. Ka mentor a ni bawk a, thla ruk liam ta aṭang khan kan inhnim hnai leh zual a ni," tiin Shawn chuan a sawi.

Shawn hian kumin December hian 'Wonder' tih album thar tlangzarh tumin hma a la mek a ni. He a album thar turah hian mi ṭhenkhat chuan Bieber nena an zaidunna a tel an ring.