TWICE album tharah Dua Lipa

South Korean hmeichhe band TWICE chuan album thar tur 'Eyes Wide Open'-ah English pop star Dua Lipa an thawhpui dawn niin JYP Entertainment chuan a tarlang. 

TWICE hian an album thar tur hi October 26-ah tlangzarh an tum a, an album thar turah hian hla 13 a awm dawn a ni. 

Dua Lipa hian k-pop artist a thawhpui vawi khatna tur a ni lo a, a hmain tunlai khawvela hmeichhe band lar ber pawl, BlackPink chu an hla 'Kiss & Make Up'-ah a lo thawhpui tawh bawk a ni.

TWICE band-ah hian member pakhua awmin, kum 2015 khan an indin a, kum 2016 khan an rawn lar chho ṭan a ni. October 19 hian an fan-te nena inkungkaihna ṭha an neih zual thei nan, special live streaming an nei ang.