Tuia cheng reptile fossil thar zirchianna tichhuak

Kum 2014-a hmuhchhuah, laiking lam chi, tuipuia chÍng chu uluk taka an zirchian hnuah a nihphung an hrechiang ta a, mithiamte chuan an sawi chhuak ta. He nungcha hi awle tiat vela lian a ni tih an sawi a, tui hnuaia hnim ṭo ei chi a ni tih an sawi.

A hming lema 'Hammerhead' tia an koh, laiking lam chi fossil hi China chhim lama an hmuh a ni a, a fossil an hmuh chhuah hi a tlÍm avangin a nihphung an hre mai thei lawk lo a ni. Mithiamte chuan he nungcha hi kum maktaduai 242 vela khawvela chÍng a nih thu an sawi a, tuipuia chÍng, laiking lam chi, hnim hring ei a ni tih an hre thei.

A hmui awm dan leh pian dan a danglam hle a, a hmui sir tawn tawnah tuboh lu ang hi a awm chhuak avangin 'Hammerhead' tia koh a ni. Tuboh anga a hmui chunglam leh hnuai lam hlai duai chhungah hian ha, hriau ang maia zum, sin bawk si a ding fur niin an sawi.

Chicago-a Field Museum-a mi, Oli≠vier Rieppel chuan, "Ramsa danglam tak a ni a, tuboh ang takin a lu a awm. Hetiang chi reptile kan hmuh hmasak ber a ni," a ti. A hming pangngaia an phuah hi Atopodentatus unicus a ni a, Latin ṭawng a ni a, ha danglam tak nei tihna a ni.

Rieppel chuan, "A khabe leh ha invuahna aṭang hian he nungcha hian hnim lam chi a ei ṭhin tih a lang a, tuipuia cheng, hnim ei chi dangte nen an chaw eina pian dan hi inanna tam tak a awm a ni," a ti. Researcher-te chuan Atopodentatus hian kum maktaduai 252 vela nungcha an mangna chhan tam tak a hriattir theih an ring.