Amber Heard-i'n Johnny Depp lak pawisa a phut

Thla 15 an inneih hnuah Amber Heard leh Johnny Depp te chu an inṭhen a, an inṭhenna tak tak tur hi Thawhṭanni khan Heard hian a thehlut a, hetah hian Johnny Depp hnen aṭangin a inenkawlna Heard hian pawisa a phut tel.

Thawhṭannia Amber Heard thu thehluhah hian Johnny Depp nena an inṭhenna chu dan anga pawm tura ngenna bakah, a inenkawl zelna turin Johnny Depp hnen
aṭanga pawisa phutna tarlan a ni a, Nilaini khan Johnny Depp chuan legal document siam ve lehin, judge hnenah a nupui thil phut hi a hnawl tih a tarlang.

Johnny Depp hian USD mtd 400 vel neia chhut a ni a, Bahamas-ah thliarkar nalh leh nuam tak a nei bawk. Nikum February thla khan Bahamas-ah hian an innei a, an inneihnaah hian mi 24 chauh an sawm.