MCC Zaipawl zanin aṭangin

Madras Christian College zaipawl, Mizoram tour rawn nei chuan zanin aṭang hian Zarkawt Presbyterian Kohhran Biak Inah hun an hmang ṭan ang a, hemi hnu hian Aizawl khaw chhunga kohhran ṭhenkhat leh Lunglei te an tlawh leh ang.

Madras Christian College zaipawl leh MCC alumni te buatsaih hi Handel's Dettingen Te Deum & Lalpa Thawhlehna Thu (The Easter Story canata) a ni a, a bul ṭanna, Zarkawt Presbyterian Kohhran Biak Ina neih tur hi zan dar 7 aṭanga ṭan a ni ang. Zaipawl pui tur hian Aizawla music zirlaite chu khawmin Aizawl Youth Orchestra din a ni a, Guest soloist an nei dawn bawk a, chung mite chu Henry Varte leh Stacy VL Muanpuii te niin, guest choir tur hi Mizo Cardinal Choir leh Leprosy Mission Choir te an ni. Western Classical music - Handel, Bach, Mozart, Haydn leh Beethoven hlate an sa dawn a ni.

Zarkawta hun an hman bakah hian, Inrinni zan hian Khatla Presbyterian Kohhran, Pathianni chaw≠hmaah English Congregation, chawhnuah Mission Veng Presbyterian Kohhran leh, Thawhṭanni zanah Mission Vengthlang Presbyterian Kohhranah te hun an hmang ang. May 31 hian FW Savidge Memorial Baptist Church, Rahsi Veng, Lungleiah hun an hmang leh bawk dawn a ni.