Dunkirk indona film an chang mek

Indopui II ṭan tira thil thleng pawimawh tak mai, Dunkirk, France hmar lama thil thleng chu film-a siam mek a ni. He film-ah hian Tom Hardy, Cillian Murphy, Kenneth Branagh, Mark Rylance leh One Direction-a mi Harry Styles te an chang a, director hi Christopher Nolan a ni.

Indopui II ṭan tir lam, kum 1940-ah khan German Nazi sipaite an chak hle a, Paris an lak mai bakah, France pumpui chu an la ni deuh tawh mai a, chutah chuan ṭangrual sipai 338,000 zet mai chu German sipaite hian an hualbet tawh a ni. Ṭangrual sipai, hualbehte chhanchhuak tur hian Operation Dynamo an tih mai beihpui chu an thlak a, chawlhkar hnih chhungin heng sipaite hi English Channel kaipuiin, England an thlenpui a ni.

Dunkirk aṭanga sipai thiarchhuah runpui hi khawvel chanchina sipai thiar≠chhuah lian ber a la ni a, kum 1940 May 27 aṭanga June 4 inkara thil tleng kha a ni. Sipai nuai thum chuang an chhanhim theih avang hian ṭangrual ramte chuan indona hi tha tharin an hmachhawn theih phah niin chanchin zirtute chuan an sawi.