Arjun Rampal-a'n CRY America tan USD mtd 1.5 tuak chhuak

Bollywood actor, Arjun Rampal chuan naupangten hlim leh hrisel taka an khawsakna tur leh, lehkha zir tura dikna chanvo an neihte humhalh sak tura thawktu, non-profit organisation CRY America tan USD mtd 1.5 zet a tuak chhuak a, Indian celebrity zingah he NGO tana sum tuak chhuak tam ber a ni.

Arjun Rampal hian CRY America-in April thlaa America ram hmun hrang hranga event an buatsaihte chu host-in, donor pawh a huikhawm sak hnem hle. CRY America president Shefali Sunderlal pawhin Celebrity Guest-a Arjun Rampal a ṭang thei chu lawmawm a tih thu leh, naupangte dikna chanvo humhalh sakna tura an thawhna atana USD mtd 1.5 zet a tuak chhuah pui chu an lawm tak zet tih a sawi. Arjun Rampal chu child rights champion tia an hriatreng tawh tur thu a sawi a ni.