MrBeast-a'n YouTube-ah T-Series a khum ta

MrBeast chuan YouTube-a subscriber ngah ber, T-series subscri-ber neih zat a rawn khum ta.

MrBeast, a hming tak Jimmy Donaldson hi YouTube-ah hian mimal subscriber ngah ber ni mah se, Indian music label T-series hi kum nga chhung chu YouTube channel zingah subscriber ngah ber a ni thung. Mahse kum 26 mi, MrBeast chuan subscriber mtd 269 rawn neiin, T-series a rawn lehpel ta a ni. MrBeast chuan hemi chungchang hi post-in, Inrinni liam ta khan ni khata subscriber a neih belh tam ber ni tih sawiin, hemi ni bik hian subscriber mtd 2 chuang a neih belh a, Pathianni khan T-series hi a khum thei ta a ni. Mi hrang hrangin lawmpuina thu sawiin, lawmpuitu zingah hian Elon Musk pawh a tel. T-series hian subscriber ngah lamah kum 2019 khan PewDiePie channel a rawn khum a, kum nga chhung hma a hruai hnuah MrBeast a tluk ta lo a ni. Nimin thleng khan MrBeast hian subscriber mtd 271 nei tawhin, T-series hian mtd 266 a nei.