Zaninah chhiat tawkte pualin Charity Concert

Gospel United Mizoram chuan tun hnaia Cyclone Remal tleh leh ruahsur nasa takin Mizorama chhiatna a thlen tuartute tan vehbur khawnsakin, zanin hian an pualin Charity Concert a buatsaih dawn.

Thlipui leh ruahsur nasa takin Mizoram a nuai avang hian chhiatna nasa tak thlengin, nunna chan pawh tam tak an awm a ni. Harsatna leh chhiatna tawkte pual hian zanin dar 8-ah HYVE, Aizawl City Hall-ah Charity Concert hi neih a ni dawn a, Zonet Zawlbuk, Zonet YouTube Channel, LPS 10 leh LPS YouTube Channel-ah live-a pek chhuah a ni ang. Gospel United Mizoram chuan an programme hman tur hi lo ṭawiawm turin Zoram mipuite an sawm a ni.

Zanina chhiat tawkte puala hun hman turah hian Pathian fakna hla satu kan neih ṭhat ber berten zaiin hun an hmang dawn a, thusawi tawi, ngaihnawm tak tak ngaihthlak tur a awm bawk ang. Programme neih chhung hian chhiat tawkte pualin sum hmanga mipuite luan chhuahna hun ṭha siam a ni dawn a, a mimala ral duh an neih pawhin he hunah hian a leng vek dawn a ni. Concert chhunga sum thawhte hi zai thiamte hian lo dawngin, zai mite hi phone kaltlanga biak pawh theih an ni ang. Sum hi QR code hmanga pek tur a ni dawn a, he huna pe thei lote pawh kalchilhin an lamsak thei dawn bawk.