Billboard 200 : Taylor Swift khum thei an la awm lo

Taylor Swift album thar ber, 'The Tortured Poets Department' chu Billboard 200 album chart-ah khum thei an la awm lo a, a zawnin a kar ruknaah pawh No 1 a la ni.

Kar liam ta khan 'The Tortured Poets Department' hian equivalent album unit 175,000 a la nei thei a, a hlate pawhin on-demand official stream mtd 173.65 hu a nei bawk. Top streaming album-ah No 1 ni bawkin, traditional album sales 41,000 a nei bawk a ni.

Billie Eilish 'Hit Me Hard and Soft' chu kar hnih No 2-ah a awm ve ta bawk a, equivalent album unit 145,000 a nei. No 3-ah newcomer, Twenty One Pilot album thar, 'Clancy' chuan equivalent album unit 143,000 neiin a rawn lang. Hun rei tak chart luahlum tawhtu, Morgan Wallen 'One Thing at a Time' chu No 4-ah a tla thla a, a album dang 'Dangerous : The Double Album' chu No 6-ah a lanpui bawk a; newcomer dang, RM 'Right Place, Wrong Person' chu No 5-ah a rawn lang bawk.

Billboard 200 album chart-ah hian Future and Metro Boomin, Gunna, Noah Kahan leh Zach Bryan-te an la lang chhunzawm bawk.