NASA-in 3D Instagram filter chhawp chhuak

Instagram chuan National Aeronautics and Space Administration (NASA) puihnain special filter a rawn chhawp chhuak thar leh ta.

NASA project thar hmang hian Instagram user-te chuan Chandra X-ray Observatory leh space telescope dang hmanga hmuh theih chauh, universe mawina leh ropuinate an experience thei dawn a ni. Instagram chuan he augmented reality filter (AR) hi 'Instagram experience' tiin a vuah a, high-end telescope hmang chauha hmuh theih, nebulas, galaxies, stars leh meteors te a rawn lang a ni.

3D filter hi Instagram-ah hian thla ruk chhung a thlawnin a hman theih ang. NASA filter hmang duh tan Instagram app-ah “NASAChandraXray’ page search a, a chung lama effects icon, three-star logo-ah click a, hetah hian AR filter hrang hrang panga lo lang aṭangin duh berah Try it button kha hmeh tur a ni. Hemi hnu hian he filter hi phone-a camera app-ah a hman theih nghal a ni. Filter-a celestial body langte chu -Cat's Evye Nebula, Vela pulsar, Tycho supernova, Helix Nebula bakah Chandra Spacecraft pawh a tel bawk.

NASA Chandra X-ray Observatory hi telescope, universe-a hmun sa lutukah pawh X-ray emission hmu thei tura duan a ni. AR filter hi kum 1999, July 23-a kah chhuah, Chandra 25th anniversary lawmna pual a ni bawk a ni.