Darbu App-ah K.Hminga'n ro a la rel

Darbu Music App-ah May thla chhungin K. Hminga bawkin ro a rel chhunzawm leh. 'Ka Ngaih, Zawng ho' hralh tam ber leh play tam ber a la ni zel.

May thlaah Darbu App lamah hla dah tharte pawh awm hlawm mah se, top sales leh play chart lam a danglam phah chiam lo. 'Ka Ngaih, Zawng Ho' album chu hralh chhuah tam ber niin, The Leprosy Mission Choir soundtrack chu mi tam takin an la hmang ṭangkai chhunzawm zel a, pahnihna a la ni. One in Christ soundtrack leh Vohbik soundtrack pawh hralh an la kal a, No 3 leh 4-ah awmin, Matilda & The Quest 'Damdiai' chu Top 5-ah a la awm bawk.

Hla play tam ber lamah 'Ka Ngaih, Zawng Ho' hla chuan ngaithlatu a la ngah ber. Zaithiam inkawp fuh em em, Aengi & Rosalyn te zai pawh mipui lamin an la kham thei lo a, 'Rinawm Min Tiam Kha' tih chu pahnihnaah awmin, Rinfeli Khiangte, Matila & the Quest leh Mezzo Ford te hla pawh ngaihthlak hlawh zual zingah an la tel a ni.