Kanye West-a'n a assistant hlui khin let a tum

Kanye West chuan a assistant hlui, Lauren Pisciotta chuan blackmail a tum nia sawiin, khin let a tum tih a sawi.

Lauren Pisciotta hian a hmain Kanye West hi mipat hmeichhiat lam hawia a chunga mawi lo taka che leh, an contract bawhchhiaah puhin court-ah a khing a ni. Document a thehluhah West hian phone-ah mawi lo taka a chet bakah, text message mawi lo tak tak pawh a thawn niin a sawi. Mahse West hian a puhna hi thu belhchian dawl lo niin a sawi thung a, amah zawk hian a beiseina a lo hnar avangin blackmail a, sum tam tak chhuhsak tumah a puh let ta zawk a ni. 'Hetianga dik lo taka min puhna hi kan chhang let ngei dawn a ni," an ti. Pisciotta hi kum 2021-2022 chhung khan West fashion line tan thawkin, a personal assistant angin a thawk a, kum khatah USD mtd 1 a hlawh a ni.