'The Voice' Season 27-ah Adam Levine a lo kir dawn

'The Voice' original coach, Adam Levine chuan kum 2019-a show a chhuahsan hnuah, kum 2025-a neih tur, Season 27-ah a rawn kir leh dawn.

Maroon 5 frontman Adam Levine hi 'The Voice' ṭan tir aṭang khan coach-ah ṭangin, a zawnin season 16 chhung a tel a ni. Mahse kum 2019 khan a chawl a, Gwen Stefani-i'n a rawn thlak. Coach-a a ṭan chhung hian a team aṭangin ṭum thum winner a nei a, winner nei ngah pathumna a ni pha. He competition history-a coach hlawhtling ber chu Blake Shelton niin, winner hi pakua nei a ni. Levine pawhin 'The Voice' Season 27-ah a kir leh tur thu hi a Instagram-ah pawh a tarlang a, a phur tawh hle tih a sawi. Season 27-ah hian Levine bakah John Legend, Michael Bublé leh Kelsea Ballerini te chu coach an ni dawn. 'The Voice' Season 25 hi tun hnaiah zawh fel niin Team Reba-a mi, Asher HaVon chu winner a ni.