Peaky Blinders movie a chiang ta

BBC hit drama, Peaky Blinders chu a movie-in siam ani dawn tih Neftlix chuan a sawi chiang ta. TV show-a lead role changtu, Irish actor Cillian Murphy chuan a role ngai, gangster Tommy Shelby a rawn chang leh dawn.

'Peaky Blinders' film siam a nih tur thu hi Netflix chuan X-ah post-in, a script thlalak an dah tel a, fan-te an lawm nghal hle. A series hi kum 2013, September khan BBC Two-ah pek chhuah ṭan a ni a, a series pangana chu 2019 khan BBC One-a pek a ni thung. Tih chhuah a nih lai hian award pawh eng emaw zat a dawng a, heng zingah hian mipuite vote aṭangin National Television Awards a tel a, 2018 khan Bafta for best drama series a dawng bawk. Movie siam tur hi Tom Harper-a'n a direct dawn a, series creator Steven Knight chuan a script tur pawh a ziak fel tawh a ni.