Baby Reindeer character vangin Netflix khing

Scottish nu, Fiona Harvey chuan Netflix drama, Baby Reindeer-a Martha character chu ama chanchin behchhana siam a nih thu sawiin, Netflix chuan an drama-ah he character hi dik lo taka an lantir tia puhin USD mtd 170 chawi turin a khing.

California court-a thubuai a thehluhah, Harvey chuan Netflix hian Baby Reindeer series-ah hian Martha chu pawikhawihna avanga thiam loh chantirin, jail-ah an tantir niin a sawi. Scene pakhatah phei chuan Martha hian a changtu ber chu mipat hmeichhiat lam hawia mawi lo taka khawih angin an lantir bawk a ni, a ti. Netflix chuan he series entu, mi mtd 50 chuangte hnenah Martha chungchang chu dawtin an lantir a ni tiin, streamer giant hi a khing. He mini-series episode hmasa berah hian chanchin dik tak behchhana siam tiin an tarlang a ni.